මතක වස්ත්‍ර පිංකම

ආසාවට ඇඳලත් නැති
එහෙම අඳින්න උවමනාවක් උනෙත් නැති
ටයි කෝට් ඇඳපු අප්පච්චි
ඉන්නව සාලෙ මැද

කවදාවත් ආවෙත් නැති
එහෙම එන්න උවමනාවක් තිබුනෙත් නැති
නෑදෑයො ගොඩක්
ගෙදර හැම තැනම

හම්බ උනාට හිනා වෙලා නැති
එහෙම කරන්න ඕන කියල හිතලවත් නැති
ගමේ මිනිස්සු
මිදුල හැම තැනම

උදව් ඉල්ලන්න විතරක් ආපු
වෙන වෙලාවට උන්නද මලාද නොබලපු
අප්පච්චිගෙ යාලුවො
කෙලවරේ බංකුවක

අප්පච්චි නැති බව දන්න
ඒත් ඒක පිලිගන්න අකමැති
මම
දැං මතක බනේ.....